< Diepduiker spesialiteit » Skubaduik Kurses Kaap Stad

PADI diepduiker-skubakursus kaapstad - inleiding

Nadat mens die wonders verken het wat die wêreld onder die water het, raak mens ‘n bietjie nuuskierig om te sien wat daar onder sal lê wanneer jy nóg dieper gaan! Daar is misterieuse en opwindende dinge wat ons na die dieptes toe aantrek. Om jou Diepduik-spesialiteit te hê sal jou in staat stel om nog dieper te gaan, tot en met 40 meter. Dit is veral handig as jy ‘n spesifieke bestemming wil besoek – soos ‘n wrak of rif wat diep lê.

Verken die wêreld onder die water ten volle met die PADI Diepduiker-spesialiteitskursus en ontdek wonders wat min mense eerstehands kan sien.

Vinnige oorsig van die PADI Diepduiker-skubaduikkursus in Kaapstad

  • Duur van kursus: 2 tot 3 dae
  • Dag 1: DVD & duikteorie
  • Dag 2: 2 duike
  • Dag 3: 2 duike
  • Jy het die keuse om die Diepduiker-DVD te kyk en die teorie in die gemak van jou eie huis te doen as selfstudie, of in ons klaskamer. Dit is jou keuse. Die kursus word rondom jou behoeftes gestruktureer.
  • Dit is nie nodig dat dit drie opeenvolgende dae is nie
  • Onthou asseblief jou swemklere, handdoek, sonbrandroom en ‘n versnappering
  • Minimum ouderdom van 15 jaar

PADI DIEPDUIKER-SKUBADUIKKURSUS STRUKTUUR

Daaglikse skedule:

Op die dae wat ons duik, ontmoet ons 09:15 die oggend by die Into the Blue Duiksentrum in Kaapstad. Dit is hier waar ons die registrasie en teoriewerk doen en jou voorsien van die skubatoerusting wat jy sal nodig hê vir die duike. Duikers kan verwag om so ongeveer tussen 15:00 en 18:00 in die middag klaar te wees, afhangende van waar in die Kaap ons op die dag duik.

Skubaduik-kursus Teorie

Voordat ons kan induik, moet ons eers ‘n bietjie teorie doen om presies vir jou te verduidelik hoe diepduik werk.

  • Deelnemers moet die PADI Diepduiker-DVD kyk
  • Deelnemers moet die kennisbesprekings van die PADI Diepduiker-spesialiteitshandboek lees, voltooi en hersien

Praktiese skubaduik

Die kursus bestaan uit vier skubaduike in totaal rondom Kaapstad. Die fokus is op die volgende:

Nommer 1:

  • Styging en daling
  • Wees op die uitkyk vir stikstofnarkose (narcosis)
  • Om die akkuraatheid van meters te vergelyk

Nommer 2:

  • Nagaan van die effekte van druk of verskillende items diep onder die water
  • Navigasie diep onder die water
  • Om teen ‘n veilige tempo te styg, met net ‘n lyn as verwysing

Nommer 3:

  • Verduideliking en opname van kleurveranderinge diep onder die water
  • Om ‘n 8-minute dekompressie stop teen 5 meter te doen terwyl jy van ‘n nood-lugbron asemhaal

Nommer 4:

  • Styg en daal sonder die hulp van ‘n verwysingslyn, maar met die hulp van ‘n muur of skuinsbodem
  • Om ‘n rekenaar of dieptemeter en horlosie te gebruik om ‘n veilige stygingspas te bepaal
  • Om ‘n veiligheidstop te doen sonder die lyn

Die kursus is gestruktureer om jou te leer hoe om in ‘n veilige en opwindende manier te duik. Jy kan verseker weet dat, as ‘n PADI Diepduiker, jou sertifikasie erken sal word waarookal jy gaan in die wêreld.

PADI DIEPDUIKER-SKUBADUIKKURSUS – GEREELDE VRAE

1. Hoe diep kan ek duik met hierdie kwalifikasie?

‘n Maksimum van 40 meter, wat die maksimum is vir duik om ontspanningsdoeleindes.

2. Is dit veilig?

Ja, dit is baie veilig. Ons volg PADI se standaarde en ons Ontspanningsduikbeplanners baie streng na.

3. Hoekom diepduik?

Hierdie spesialiteit sal jou in staat stel om dieper te duik by wrakke en plekke wat jy nie andersins sal kan besoek nie.

4. Wat is ná die diepduikerkursus?

Jy is een stappie nader aan jou Meester Skubaduiker! Doen vyf spesialiteite en verkry die hoogste nie-professionele gradering.