< Gevorderde Oopwaterduik-kursus » Skubaduik Kurses Kaap Stad

padi GEVORDERDE OOPWATER SKUBADUIK-KURSUS KAAPSTAD – INLEIDING

Jy het jou PADI Oopwaterduiker-kursus gedoen en jy was mal daaroor. Gaan dieper in hierdie avontuur deur jou PADI Gevorderde Oopwater-kursus te doen! Hierdie kursus, aangebied deur Into the Blue, Kaapstad, is nommerpas vir die avontuurlustige skubaduiker.

Dit is waar jy begin om te spesialiseer in ander opwindende tipes skubaduik wat jou in staat sal stel om die volgende duike te doen: by wrakke, in die aand, tot ‘n diepte van 30 meter, met ‘n droë-duikpak; en dit sal jou selfs ook leer hoe om pragtige foto’s onder die water te neem.

Die PADI Gevorderde Oopwaterduiker-sertifikasie word toegeken vir die voltooiing van vyf “avontuur”-skubaduike, waarvan een duik dieper as 18 meter moet wees, en die ander een moet ‘n Onderwaternavigeerder-duik wees.

Neem asseblief kennis dat alhoewel ons tot en met vyf “avontuur”-duike doen, is die kursusmateriaal en duike wat ons dek nie so in-diepte soos die Spesialiteitsduike nie. In ander woorde, wanneer ons jou Onderwaternavigasie leer in hierdie kursus, is daar nog veel meer wat jy kan leer deur ‘n toegewyde Onderwaternavigasie Spesialiteitskursus te doen.

Vinnige oorsig van die PADI Gevorderde Oopwater Skubaduik-kursus in Kaapstad:

  • Hersien die Gevorderde Oopwater-teorie en skubaduik dan in die see iewers rondom Kaapstad
  • Jy moet jou PADI Oopwater-sertifikasie hê om hierdie skubakursus te doen
  • Duur: 5 duike (minimum 2 dae)
  • Hierdie sertifikasie laat jou toe om tot en met 30 meter diep te duik
  • As jy net drie avontuurduike doen terwyl jy die kursus doen, sal die Avontuurduiker-sertifikasie aan jou toegeken word
  • Bring jou swemklere, sonbrandroom, handdoek en ‘n versnappering

PADI gevorderde oopwater skubaduik-kursus

Kursus Skedule

Ons ontmoet elke oggend by die Into the Blue-winkel in Kaapstad as ons sentrale beginpunt. Hier doen ons registrasie, teorie en ons kry ook jou skubatoerusting. Ontmoetingstye is gewoonlik om 09:15, maar kan verander as ons nie bootduike doen nie. Jy kan verwag om tussen 15:00 en 18:00 in die middae klaar te wees, afhangende van waar ons op die dag duik.

Kursusteorie

Daar is kennishersiening wat jy vir huiswerk moet voltooi, wat ons sal merk en saam met jou sal deurgaan. Daar is geen eksamen vir die gevorderde sertifikasie nie. Hierdie kursus is ook op “e-learning” beskikbaar, wat ‘n uitstekende opsie is as jy gedruk is vir tyd, of as jy nie teorie-huiswerk wil doen terwyl jy in Kaapstad vakansie hou nie. As jy besluit om “e-learning” te doen, kry jy R500 afslag van die normale kursusprys, maar neem asseblief kennis dat jy in hierdie geval nie ‘n bemanningspakket (“crew pack”) gaan kry nie en dat daar ‘n fooi betaalbaar is aan PADI. As jy wil registreer vir “e-learning”, kliek asseblief hier.

Kursus Seeduike

Wanneer jy jou Gevorderde Oopwater Skubakursus by Into the Blue in Kaapstad doen, moet jy vyf avontuurduike doen. Dit word gewoonlik oor twee of drie dae gedoen, maar hierdie dae hoef nie op mekaar te volg nie.

Jy kan kies van die volgende tipes duike:

  • Diepduikkursus – met hierdie skuba-avontuur vat ons jou dieper as 18 meter (tot ‘n maksimum van 30 meter) en ons leer jou hoe om gevalle te hanteer soos stikstofnarkose, styging en daling, en ons wys jou ook hoe party kleure verdwyn op pad ondertoe. Om dieper as 18 meter te duik is regtig ‘n waardevolle vaardigheid vir enige duiker, veral as jy dieper wrakke of riwwe wil besoek. Die diepste wat ons in Kaapstad kan gaan is 33 meter.
  • Onderwaterfotografie – neem foto’s van wonderlike dinge wat jy onder die water sien en deel dit met jou vriende! Niks sê “ek was daar!” soos ‘n foto nie!
  • Onderwaternavigasie – Om te weet waarheen jy gaan is baie belangrik wanneer jy in Kaapstad skubaduik. Die navigasie-vaardighede wat ons jou leer sal handig te pas kom met al jou skubaduike!
  • Wrakduik – wrakduike is asemrowend! Geskiedenis raak nie net lewendig nie, maar diere hou ook daarvan om wrakke te bewoon, en dit maak uitstekende kunsmatige riwwe. Ons sal jou leer hoe om veilig om en in wrakke te navigeer. Oor die dekades het honderde skepe om die kus van Kaapstad gesink. Daar is dus geen tekort aan uitstekende wrakke om te verken naby aan die Kaap nie!
  • “Peak Performance” Dryfvermoë Skubaduik – goeie dryfvermoë is ‘n noodsaaklike vaardigheid wat jy met elke skubaduik sal gebruik! Goeie dryfvermoë sal jou luginname en gemak onder die water verbeter, en dit sal jou ook help om die delikate seelewe te beskerm!
  • Soek en herwin duik – iemand kan miskien vir jou as duiker vra om vir hulle iets uit te duik wat hulle onder die water verloor het. In hierdie skubaduik leer ons jou verskillende soekpatrone, en ook hoe om swaar objekte veilig uit die water te bring.
  • Droëpakduik – Kry die koue jou onder wanneer jy in Kaapstad duik? Ons leer jou hoe om in ‘n droëpak te duik – wat ontwerp is om jou warm te hou selfs in die koudste water!
  • Bootduik – in hierdie skuba-avontuur leer ons jou meer oor die bote waarvan af jy sal duik.
  • Onderwaternatuurkundige-duik – wil jy weet wat die name van die diere en plante is wat jy sien wanneer jy in Kaapstad duik? Dan is hierdie een vir jou.
  • Nagduik – James Bond-styl! Ons vat ons onderwaterflitse en gaan soek vir diere wat in die nag uitkom. Net soos in wildtuine kom verskillende diere in die nag uit terwyl die ander gaan slaap!

Die Diepduik- en Onderwaternavigasie-kursusse is verpligtend, wat vir jou drie kursusse los om self te kies vir jou PADI Gevorderde Sertifikasie. As jy meer as vyf Avontuurduike wil doen, gesels met ons, dit kan ook gereël word!

GEVORDERDE OOPWATER-KURSUS  – gereelde vrae

1. Hoekom sal ek dieper as 18 meter wil duik?

Alhoewel daar baie mooi dinge is om te sien bó 18 meter, gebeur dit gereeld dat ‘n rif of wrak wat mens wil besoek ‘n bietjie dieper as 18 meter lê. Jou Gevorderde Kursus sal jou toelaat om tot en met 30 meter diep te duik, wat jou toelaat om veel meer duikplekke te besoek!

2. Is daar enigiets te siene in die aand?

Net soos op die land, slaap party diere in die nag terwyl ander juis dán uitkom. Jy sal gereeld diere onder die water in die nag sien wat jy nog nooit vantevore gesien het nie!

3. Ek wil ‘n droëpak-duik doen – kan ek so pak huur by Into the Blue?

Ons het ‘n beperkte aantal droëpakke te huur – of ons een sal hê wat jou sal pas hang van jou grootte af. Die beste opsie is om voor jou kursus by die winkel in te loer sodat jy ‘n pak kan aanpas om te sien of ons jou kan help.

4. Waar kry ek ‘n MBA-permit?

Tydelike MBA-permitte kan verkry word by Into the Blue Skubaduik Sentrum vir R45 (geldig vir een maand), of jaarlike permitte kan by die Poskantoor verkry word vir R102.

5. Watter kursus is volgende?

Daar is baie opsies! Jy kan oorweeg om jou Reddingskursus te doen, wat jou leer wat om in noodgevalle te doen, en jy kan spesialiseer in die tipes duik wat jou regtig interesseer – soos Wrakduik, Diepduik, of Onderwaterfotografie!