< EFRI Kursus (Instrukteur) » Skubaduik Kurses Kaap Stad

EFRI ("EMERGENCY FIRST RESPONSE INSTRUCTOR") KURSUS KAAPSTAD – INLEIDING

Het jy jou Eerstehulpkursus geniet? Sal jy daarvan hou om die vaardighede wat jy tydens jou EFR kursus geleer het aan ander te leer? Verdien ‘n inkomste en maak die wêreld ‘n veiliger plek deur ‘n Eerstehulpinstrukteur te word!

Met jou EFRI-kursus gaan jy bou op die vaardighede wat jy reeds in jou EFR-kursusse geleer het, en jy sal leer hoe om hierdie vaardighede aan ander te leer. Om jou EFRI-gradering te hê is ook ‘n stappie in die regte rigting as jy ‘n Oopwater-skubainstrukteur wil word, want dit is een van die voorvereistes om ‘n Skubainstrukteur te word.

Hierdie program maak ook voorsiening vir individue wat reeds as Eerstehulpinstrukteurs gekwalifiseer is om ‘n Instrukteurs-oorbruggingskursus te doen wat hulle opleiding en ervaring sal erken en op die filosofie en struktuur van die EFR-program sal fokus terwyl dit selfvertroue opbou in die gebruik van die EFR-sisteem van opleiding. Nie-duikers is ook welkom!

Vinnige oorsig van die EFRI-kursus in Kaapstad

  • Duur: 1 dag
  • Moet geldige Eerstehulpkwalifikasies hê vir die volgende:
    • Eerstehulp Primêresorg
    • Eerstehulp Sekondêresorg
    • Eerstehulpsorg vir Kinders
  • Kwalifiseer jou om die EFR Eerstehulpkursus vir volwassenes en die EFR Sorg vir Kinders-kursus aan te bied

EFRI kursusstruktuur

Hierdie kursus word in die klaskamer by die Into the Blue Skubaduik-sentrum aangebied, of by ‘n vyfster-konferensiesentrum. Die kursus bestaan uit ‘n teoretiese en ‘n praktiese afdeling.

Teorie

Die volgende sal gedoen word gedurende jou EFRI-Kursus:

  • Hersiening van Eerstehulp Primêresorg
  • Hersiening van Eerstehulp Sekondêresorg
  • Hersiening van Eerstehulpsorg vir Kinders
  • Teorie en tegnieke om die EFRI-kursus aan te bied
  • Algemene Standaarde en Prosedures van EFRI

Prakties

  • Die leer en demonstrasie van die vaardighede en tegnieke van:
    • EFR Eerstehulpkursus vir Volwassenes Primêre- en Sekondêresorg
    • EFR Eerstehulp vir Kinders Primêre- en Sekondêresorg

Vereisde Materiaal:

  • “Emergency First Response” Deelnemershandleiding
  • “Emergency First Response” Sorg vir Kinders Deelnemershandleiding
  • “Emergency First Response” Primêre- en Sekondêresorg Instrukteurshandleiding
  • “Emergency First Response” DVD
  • “Emergency First Response for Children” Instrukteurshandleiding
  • “Emergency First Response for Children” DVD

EFRI kursus– gereelde vrae

1. Ek het ‘n Eerstehulpkwalifikasie van ‘n ander organisasie, kan ek ‘n EFR-instrukteur word?

Ja, jy kan. Jy moet ‘n EFRI-oorbruggingsprogram doen, wat ons op dieselfde tyd as die normale EFRI-kursus doen.

2. Vir hoe lank is my EFRI-kwalifikasie geldig?

Jy moet minstens een EFR-kursus elke twee jaar doen om instrukteurstatus te behou. As jou instrukteurstatus verval, moet jy ‘n EFRI Verfrissingskursus doen.