< Duik saam met Mako & Blouhaaie » Skubaduik Kurses Kaap Stad

skubaduik saam met haaie in kaapstad - inleiding

Om saam met haaie te duik in Kaapstad is nie vir sissies nie, maar vir diegene wat mal is oor die adrenalien, sal hierdie ervaring nie teleurstel nie. Ons gaan met ‘n boot tot ongeveer 40 kilometer suid van die Kaapse Skiereiland, waar ons die Blou- en Makohaaie lok om te kom speel.

Ons groepe bestaan uit ‘n maksimum van 10 duikers. Met hierdie duike is ons primêre doel om Blouehaaie te vind. As ons gelukkig is, mag ons miskien die Makohaai ook sien.

Pelagiese haaie is nie altyd maklik om op te spoor nie en die aktiwiteit verg dat ons lokaas gebruik om hulle na die duikplek te lok. Hulle kan baie prikkelbaar wees en die ontmoetings is gereeld baie kort.

Daar is geen hokke met hierdie duike nie, so dit is belangrik dat jy gemaklik is met nabye ontmoetings met ‘n kragtige dier, en ook om die oop see te swem. Driflyne sal uitgegooi word vir ingeval daar oppervlakstrome is. Blouhaaie is baie nuuskierige diere en kan, soos die Makohaaie, tot baie naby aan jou kom, en partykeer teen die kameras vas swem. Dit is nie ongewoon om Blouhaaie met lengtes van tot en met drie meter lank te sien nie.

Die Makohaai is een van die vinnigste visse ter wêreld. Spoedsarsies van tot en met 74km/h is al opgeteken en daar word gereken dat hulle tot so hoog as nege meter uit die water kan spring!

Jy hoef nie ‘n gesertifiseerde duiker te wees om saam met haaie te duik nie, maar jy moet in ‘n goeie fisiese toestand wees. Swem- en snorkelvaardighede is baie belangrik omdat jy sal snorkel as jy nie ‘n gesertifiseerde skubaduiker is nie.

Die duikaktiwiteite sal gekoördineer en dopgehou word deur een van ons bekwame duikmeesters.

skubaduik saam met haaie in kaapstad - vinnige oorsig

skubaduik saam met blou-en makohaaie in kaapstad - gereelde vrae

1. Is dit gevaarlik?

Ja. Daar is definitief ‘n aspek van gevaar aan hierdie duik – jy duik so ver van die land af dat jy dit nie meer kan sien nie, en jy duik sonder ‘n hok in die see terwyl lokaas in die water is (bloed wat in die water gegooi word om die haaie te lok). Hierdie duik is nie vir almal nie, maar dit is een van die beste duikervarings wat jy kan kry. As jy skubatoerusting gebruik, is goeie dryfvermoë ‘n móét, aangesien die see ongeveer een kilometer diep is op hierdie punt.

2. Hoe is die duikomstandighede daar buite?

Sigbaarheid is oor die algemeen goed – tussen 15 en 30 meter. Die water is ongeveer 16 grade Celsius. Daar kan ‘n sterk stroom wees, en dan sal ‘n driflyn uitgegooi word vir duikers om aan vas te hou.

3. Waar duik ons?

Die boot stoot by Simonstad in die see, en van daar gaan ons ongeveer 40 kilometer suid van Kaappunt. ‘n Stroom met tuna vloei hier wat die haaie lok.

4. Hoe lank neem dit?

Die boot stoot vroeg in die see (gewoonlik 07:00), en jy behoort terug te wees in Kaapstad teen ongeveer 17:00.

 

Gallery