< Duik saam met Koeihaaie » Skubaduik Kurses Kaap Stad

SKUBADUIK SAAM MET KOEIHAAIE IN kAAPSTAD - INLEIDING

Hoekom wil mens in ‘n hok sit en haaie deur tralies sien as jy saam met hulle kan swem naby aan Kaapstad?

Moenie bekommerd wees nie; die haaie waarvan ons praat is gewoonlik nie aggresief nie. Koeihaaie (wat partykeer die Sewekiewe-haai of die Gevlekte Koeihaai genoem word) is een van die primitiefste haaispesies ter wêreld. Hierdie haaie is ook een van net twee spesies wat sewe kiewe het en hulle grootte varieër van ongeveer 1.4 tot 3.5 meter. Dit is interessant dat hulle nie die dorsale vin het wat algemeen by haaie gevind kan word nie.

Hulle is gewoonlik baie nuuskierig en is bekend daarvoor dat hulle teen skubaduikers skuur soos hulle verby gly. Hulle is gewoonlik nie aggressief teenoor duikers nie, en is normaalweg ietwat traag –maar, soos met alle wesens in die see, moet hulle nie geterg of uitgelok word nie.

Hierdie skuba-ervaring vind in die kelpwoude naby Simonstad in die Kaap plaas, waar ons gaan soek na ons kolonie koeihaaie. Hulle is groepvreters en hulle groepeer altyd saam, wat sorg vir ‘n uitstekende ervaring. Tot en met 18 individuele haaie is al saam gesien.

Wanneer ons saam met Koeihaaie gaan skubaduik, is die waterkanaal waar ons duik ongeveer 12 meter diep. Dit sorg vir ‘n waarlike unieke ervaring omdat Kaapstad een van die min plekke ter wêreld is waar mens in sulke vlak water saam met hierdie haaie kan skubaduik.

Soos hulle op en af in die kanaal swem, sal jy genoegsame geleentheid kry vir foto’s, en teen die einde van die duik behoort jy die individuele haaie te kan uitken op hulle kleur, bytmerke en ander kenmerke.

Daar is ander dinge ook te sien met hierdie duik naby aan Kaapstad. Die duik is in ‘n kelpwoud met oorvloedige lewe – dit is algemeen om die bedreigde Rooi Roman hier te sien, en ook seekatte, jellievisse, Pajama-haaie, ensovoorts – dit lys is feitlik eindeloos! Ons sien per geleentheid ook die kortstert-pylstert.

Koeihaaie - Skubaduik Feite

Gallery