< Pretduike » Skubaduik Kurses Kaap Stad

Pret Duike in Kaapstad

As jy opsoek is na die geleentheid om jou duikvaardighede op die proef te stel, het jy na die regte plek toe gekom. By Into the Blue Duiksentrum in Kaapstad is ons trots daarop om die beste pretduikgeleenthede in die Kaap aan te bied.

 

 
fun dive nature

NATUURDUIKE

Kaapstad het van die mooiste en mees unieke riwwe om op te duik. Die sagte koraal is uiters kleurvol, en die kelpwoude laat dit voel of mens in ‘n sprokiesverhaal duik! Klein vissies kruip in hierdie kelpwoude weg, en die egalige gewieg van die kelp in die golwe met die sonlig wat in strale deur dit skyn, maak dit amper onwerklik! LEES MEER

 
fun snorkel seal snorkel

duik saam met robbe

Het jy al ooit ‘n spelerige hond onder die water gesien? Dit is presies hoe dit is om saam met robbe te duik! Bo die water kom hulle lui en ietwat grommerig voor, maar onder die water verander hulle in die mees spelerige, akrobatiese wesens wat mens kan indink! Hulle sal borreltjies in jou gesig kom blaas, onder die water blaf, en jy sal verbaas wees oor die hoeveelheid energie wat hulle het! LEES MEER

 
fun dive seal snorkel

SNORKEL SAAM MET ROBBE

Jy hoef nie ‘n duiker te wees om die robbe te sien nie – jy kan ook saam met hulle snorkel! Hulle kom tot reg by die oppervlak van die water, en jy kan ‘n genotvolle tyd hê deur te hierdie skouspel reg voor jou oë te sien afspeel. LEES MEER

 
fun dive shipwreck

WRAK DUIKE

Kaapstad het ongeveer 800 wrakke, wat beteken dat daar ‘n wrak is na elke persoon se smaak! Party is histories, terwyl ander in beeldskone kunsmatige riwwe verander het vir visse en sagte koraal om op te leef. LEES MEER

 
fun dive cowshark

DUIK SAAM MET KOEIHAAIE

Om saam met koeihaaie te duik is ‘n unieke geleentheid – hierdie haaie is eintlik diepwaterhaaie, wat gewoonlik ongeveer 800 meter diep woon! Dit is nog nie bekend hoekom daar ‘n vlakwaterkolonie hier naby aan Kaapstad is nie, maar dit sorg vir ‘n ongelooflike duikgeleentheid! Ons sien hierdie haaie met ongeveer 80% van ons duike, maar selfs as mens hulle nie sien nie, is dit ‘n ongelooflike rif om by te duik. Die beste tyd vir hierdie duik is gedurende ons wintermaande (Mei tot Oktober). LEES MEER

 
fun dive mako

DUIK SAAM MET BLOU- EN MAKOHAAIE

Hierdie duik is nie vir almal nie – dit is ver uit op die see, en jy moet baie gemaklik wees met jou dryfvermoë omdat dit ‘n bodemlose duik is. Dit is egter ‘n onvergeetlike ervaring! Blouhaaie kom swem sirkels in die oopwater, en per geleentheid mag mens selfs ‘n Makohaai sien! Hierdie duik word net per geleentheid gedoen in die somersmaande. LEES MEER

 
fun dive greatwhiteshark

hokduik saam met witdoodshaaie

Vir duikers en nie-duikers – klim in die hok en kom van aangesig tot aangesig met massiewe witdoodshaaie! Hierdie is ‘n een-keer-in-‘n-leeftyd geleentheid, wat nie net opwindend is nie maar jou ook toelaat om te sien hoe mooi hierdie diere is! Diegene wat nie in die water in wil gaan nie kan die haaie ook van die boot af sien, aangesien hulle reg tot by die oppervlak kom. LEES MEER